منتديات سوالف شباب


المنتدى لــ البنات والأولاد~@
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 تعرف وش يعني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الامبراطور
المدير العام
المدير العام
avatar

ذكر
عدد المساهمات : 363
نقاط : 1038
السٌّمعَة : 0
العمر : 18

مُساهمةموضوع: تعرف وش يعني   الأحد يناير 20, 2013 9:23 pm



السلام عليكم ورحمة الله وبركاته

مســــآء/صبــــآح

الخيــــر والرضـــــآ والســـــرور

...........

شلونكم؟؟وشخباركم؟؟

عساكم بس طيبين وماتشكون باس^_^

اليوم يقولونه انه الربوع=(

تعرفون ايش يعني الربوع؟؟

ماتعرفونه صح؟؟

محدن يعرفه؟؟؟<<خفي علينا ـي التقويم الهجري وخري بس

الاربعاء هو احد ايام الاسبوع نداوم فيه الصبح والمسا

الصبح مدرسه والمسا فرفره وسرا الليل وحنا ماسرينا

الاربعاء هو اليوم الرائع بالنسبه للي م يخلون مكان م يروحونه

بس تعرف ايش يعني ليلة الاربعاء؟؟

هي الليله الرائعه جداً والجميلة جداً لما تكون بالبر وماوراك دروس تحضرها لباتسر

ولا عندك شغله ولا مشغله غير شب النار وجمع الحطب<<ياويلي ويلاه

.............

احيان نشطح بكلام مادري وش يعني

لدرجة تحاول تحصل له تفسير ومعنى ولا تلاقيه*

ومنه:

(احس أني م احس)

(يمكن أموت وانا ميت)<<هذي حق خويتي

(ما أنسى حتى لو نسيت)

(والله م اكسريدي مرتين)<<على اساس لو انكسرت مره بيقدر يكسرها مره ثانيه

غير كذا مره كنت اسولف مع خويتي كان تقول

(ونزلنا الزوق)<<الزوق=السوق

وكذا شوي جت بتقول قالولك شطحت كالعادة وقالت(قاقولك؟)

ونمسكها عليها لدرجة كرهة عمرها

..............

/الجمل اللي لحست مخ العالم/

<<مابقولها منتو بناقصين لحسة مخ اكثر هع<<














ههههه لا لا امزح بقوله

(اجلس واقفه)

(قمت جلست)

(قمت اضحك،،قعدت اضحك)<<انبطحت اضحك وتسدحت من الضحك

(طالعي بس لاتلتفين)

(اضحكي بدون صوت)

كنا عايشين^ بخير وحلوين ومتفاهمين مع هالكلام اليييييين

نط واحد <<والله ان ودي اعرفه

وقام يعلق هههه كنا مرتاحين وربي والحين كل م احد قالها فطسوا اللي حوله ضحك

<<إيه نسينا (فاطس ضحك) انا م عمري شفت فاطس يضحك ابد م عمري شفت

وعساني مااشوف

وكله كوم و(تكلموا بدون صوت) كوم اخر

المعلمين بالله مابعد حسوا ولا فكروا بالمعنى؟؟؟

غريبين صراحه

...........

بخصوص التعليم

يعجبوني الفاضين اللي يبتكرون شغلات عن التعليم

كـ الاختبارات واجابات الطلاب

ههههه والله تعجبني فضاوتهم بالحيل

الواحد فااااضي يقوم يكتب إسالة اختبار

ويحلها حلول شاطحه ويصورها وينزلها

ولا وبعد يصحح مع وجهه ويكتب تعليق ع الجواب الشاطح<<يعني بيرجع الورقه له مثلا؟؟

...........

تعرف وش معنى محشش؟؟

المحشش على حسب خيالي

هو أشين انسان بالعالم<<أكيد بيكون شين من السم اللي ياكله هع

ووجهه ذا ملامح مفزعه منحشه للعالم

وعيونه حمرا مرررررررره<<بالزبط كده

وكل كلامه هياطxهياط

وتصرفاته شاطحه.... ومع ذلك الجميع يحبه^_^

فهلا تقدمت لي أيها المحشش فانا اريد شخصا يحبه الجميع<<روحي انتحري ـي ام الطلب

..............

اكثر اثنين يقهروني

البزر لا شغلت شي باللاب وفجأه درعم علي وعصبت وطردته

يقوم يرقص ع اللي شغال باللاب

والشاب اللي يحط صورته وهو شيييين قوووووه ويقول

قولوا ماشاء الله Sad

............

تعرف ايش يعني دلع،؟

الدلع هو اسمج وامصخ والعن واتفه وأخس واقرف وامحق صفه ممكن تشوفها بالبنت

بوه دلع ينبلع لانه رباني<<عاد هنا مانعترض

وبوه دلع مستفحل مختلق<<يعني البنت مسويته بعمرها

فالأولى تحسها بريئه

اما الثانيه ودك تشوتها مع باب السياره وانت ماشي 240

.............

(ادفر واحد)

مره من المراير كنت انا وخوخه وجوجو جالسات بالساحه

وجبنا سوالف عن اشطر واحد بالبيت

نطت جوجو تقول( اخوي ميدو ادفر واحد فينا)

طالعتها(ادفر واحد؟؟؟)

قالت بثقه يب

قلت لها انا سمعت عن دافور بس ادفر؟؟ اوبد م سمعت عنه

قالت فجر انقلعي والله جد

قلت لها زين وش معنى دافور،؟

قالت خوخه الدافور عباره عن أنبوبة غاز وعليها يشعلون النار ليطبخوا كل شي وسمي الشاطر دافورا اشتقاقا من الدافور لانه يطبخ الاكل بسرعه

قلت لها ههههه والله صح وانا قد سمعت بدافور بس م عمري شفت واحد يقول للثاني دافوري أدفر من دافورك

المهم ان جوجو عصبت وقامت عننا وانا من زود سماجتي أشاروا البنات علي أني انتحر=(

...................

تعرف وش معنى(روحي قفلي ابواب البيت الخارجيه)؟؟

هو اصعب موقف يمر علي

يعني البيت كله نايم وانا اروح اقفل الابواب

واحيان من الخوف اروح اركض<<خايفه انو اشوف شي م يسر الخاطر

................

واخيرا

متى تعرفي ان اخوك خايف؟

اتهاوشي وياه وروحي هدديه بالنت انك بتفصليه وهو متحمس لشي بالمره

هو بتتظرري اكيد بس يلا نجرب<<والله مجربه ومتظظررره وبقووه هههه
..............
ويلا استودعكم الله

فمان الكريم







افضل مقولآتي



ليس من الصعب أن تضحي من أجل صديق ولكن من الصعب أن تجد الصديق الذي يستحق التضحية!!


الحياة مليئة بالحجارة فلا تتعثر بها بل اجمعها وإبنِ بها سلماً تصعد به نحو النجاح .

من جن بالحب فهو عاقل ومن جن بغيره فهو مجنون .

قد يبيع الإنسان شيئاً قد شراه ولكن لا يبيع قلباً هواه .

في لحظة تشعر أنك شخص في هذا العالم بينما يوجد شخص في العالم يشعر أنك العالم بأسره .


مؤسس منتديات سوالف شباب
تحياتي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sabaab.7olm.org
 
تعرف وش يعني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سوالف شباب :: قسم الترفيه :: الصرقعة-
انتقل الى: